വട്ടിയൂർക്കാവിലും കോന്നിയിലും എല്‍.ഡി.എഫിന് അട്ടിമറി വിജയം, എറണാകുളം നിലനിര്‍ത്തി യു.ഡി.എഫ്- live updates

13,305 വോട്ടുകളുടെ ഭൂരിപക്ഷത്തിലാണ് പ്രശാന്ത് വിജയിച്ചത്.അതേസമയം, എറണാകുളം സീറ്റ് യു.ഡി.എഫ് നിലനിർത്തി

വട്ടിയൂർക്കാവിലും കോന്നിയിലും എല്‍.ഡി.എഫിന് അട്ടിമറി വിജയം, എറണാകുളം നിലനിര്‍ത്തി യു.ഡി.എഫ്- live updates

തിരുവനന്തപുരം: വട്ടിയൂര്‍ക്കാവില്‍ എല്‍.ഡി.എഫ് സ്ഥാനാര്‍ത്ഥി വി.കെ പ്രശാന്തിന് അട്ടിമറി വിജയം. 13,305 വോട്ടുകളുടെ ഭൂരിപക്ഷത്തിലാണ് പ്രശാന്ത് വിജയിച്ചത്.അതേസമയം, എറണാകുളം സീറ്റ് നിലനിർത്തി യു.ഡി.എഫ്. യു.ഡി.എഫ് സ്ഥാനാർത്ഥി ടി.ജെ വിനോദ് 3673 വോട്ടിന്റെ ഭൂരിപക്ഷത്തിലാണ് വിജയിച്ചത്. കഴിഞ്ഞ തെരഞ്ഞെടുപ്പിൽ ഹൈബി ഈഡൻ 21,949 വോട്ടിന് ജയിച്ച മണ്ഡലമാണ് എറണാകുളം.വിജയം എറണാകുളത്തെ ജനാവലിക്കും യു.ഡി.എഫ് പ്രവർത്തകർക്കും സമർപ്പിക്കുന്നതായി ടി.ജെ വിനോദ് പ്രതികരിച്ചു. അതേസമയം,വട്ടിയൂര്‍ക്കാവിലും കോന്നിയിലും എല്‍.ഡി.എഫ് അട്ടിമറി ജയത്തിലേക്ക്. അരൂരില്‍ ഷാനിമോളിലൂടെ യു.ഡി.എഫും. ബി.ജെ.പി കനത്ത തരിച്ചടിഅഞ്ചു നിയമസഭാ മണ്ഡലങ്ങളിലേക്കുള്ള ഉപതെരഞ്ഞെടുപ്പ് വോട്ടെണ്ണല്‍ പുരോഗമിക്കുകയാണ്. വട്ടിയൂര്‍ക്കാവ്, കോന്നി, മഞ്ചേശ്വരം, അരൂര്‍, എറണാകുളം എന്നിവിടങ്ങളിലേക്കാണ് തെരഞ്ഞെടുപ്പ്. മണ്ഡലങ്ങളില്‍ വട്ടിയൂര്‍ക്കാവിലും കോന്നിയിലുമാണ് ഭരണകക്ഷിയായ ഇടതുമുന്നണി ലീഡ് ചെയ്യുന്നത്. തത്സമയ വിവരങ്ങള്‍.....

വട്ടിയൂർക്കാവിലെ എൽ.ഡി.എഫ് സ്ഥാനാർത്ഥി വി.കെ പ്രശാന്ത് മാദ്ധ്യമങ്ങളോട് സംസാരിക്കുന്നു

വട്ടിയൂര്‍ക്കാവില്‍ സി.പി.എം സ്ഥാനാര്‍ത്ഥി വി.കെ പ്രശാന്തിന്റെ വോട്ട് ഇരുപതിനായിരത്തിലേക്ക്. അയ്യായിരം വോട്ടുകളുടെ വ്യത്യാസമാണ് കോണ്‍ഗ്രസ് സ്ഥാനാര്‍ത്ഥി കെ. മോഹന്‍കുമാറുമായി ഉള്ളത്. ബി.ജെ.പി സ്ഥാനാര്‍ത്ഥി എസ്.സുരേഷ് ഒമ്പതിനായം വോട്ടുമായി മൂന്നാം സ്ഥാനത്താണ്.പ്രതീക്ഷിച്ച പ്രകടനമാണ് നടത്തുന്നത് എന്ന് പ്രശാന്ത് പ്രതികരിച്ചു.

Live Updates

  • 24 Oct 2019 6:37 AM GMT

    കോന്നിയില്‍ എല്‍.ഡി.എഫ്

    കോന്നിയില്‍ എല്‍.ഡി.എഫ് സ്ഥാനാര്‍ത്ഥി കെ.യു ജനീഷ് കുമാര്‍ വിജയിച്ചു

  • 24 Oct 2019 6:28 AM GMT

    വട്ടിയൂർക്കാവിൽ വി.കെ പ്രകാശിന് അട്ടിമറി വിജയം 

  • 24 Oct 2019 6:19 AM GMT

    മഞ്ചേശ്വരത്ത് യു.ഡി.എഫ് വൻ ലീഡിലേക്ക്‌ 

  • 24 Oct 2019 5:43 AM GMT

    അരൂരില്‍ ഷാനിമോള്‍ ഉസ്മാന്‍റെ ലീഡ് ഇടിയുന്നു

    അരൂരില്‍ യു.ഡി.എഫ് സ്ഥാനാര്‍ത്ഥി ഷാനിമോള്‍ ഉസ്മാന്‍റെ ലീഡ് ഇടിയുന്നു. 2463 വോട്ടുകള്‍ക്ക് ലീഡ് ചെയ്തിരുന്ന ഷാനിമോള്‍ ഉസ്മാന്‍റെ നിലവിലെ ലീഡ് നില 1,669 ആണ്.

  • 24 Oct 2019 5:28 AM GMT

    മഞ്ചേശ്വരത്ത് യു.ഡി.എഫ് വിജയത്തിലേക്ക്

    മഞ്ചേശ്വരത്ത് യു.ഡി.എഫ് വിജയത്തിലേക്ക്. 7,606 വോട്ടുകൾക്ക് എം.സി ഖമറുദ്ദീൻ ലീഡ് ചെയ്യുന്നു 

  • 24 Oct 2019 5:27 AM GMT

    കോന്നിയിൽ ജനീഷ് കുമാറിന് വ്യക്തമായ ലീഡ്‌ 

  • 24 Oct 2019 5:26 AM GMT

    വട്ടിയൂർക്കാവിൽ വി.കെ പ്രശാന്ത് വിജയത്തിലേക്ക്‌ 

  • 24 Oct 2019 5:14 AM GMT

    വട്ടിയൂര്‍ക്കാവിലേത് ജാതി-മത സമവാക്യങ്ങളെ പൊളിച്ചെഴുതുന്ന തെരഞ്ഞെടുപ്പ് ഫലമെന്ന് എല്‍.ഡി.എഫ് സ്ഥാനാര്‍ഥി വി.കെ പ്രശാന്ത്

  • 24 Oct 2019 5:04 AM GMT

    എറണാകുളത്ത് ടി.ജെ വിനോദിന്റെ മുന്നേറ്റം

    അത്ഭുതങ്ങള്‍ സംഭവിക്കാതെ എറണാകുളത്ത് ടി.ജെ വിനോദിന്റെ മുന്നേറ്റം. പ്രതീക്ഷിച്ച ഭൂരിപക്ഷം മഴ കൊണ്ടുപോയെങ്കിലും വെള്ളക്കെട്ടിന് വിനോദിന്റെ മുന്നേറ്റം തടയാനായില്ല. മണ്ഡലത്തില്‍ വോട്ടെണ്ണല്‍ അഞ്ചാം റൗണ്ട് പൂര്‍ത്തിയായി. 56 ബൂത്തുകള്‍ എണ്ണിക്കഴിഞ്ഞപ്പോള്‍ യു.ഡി.എഫ് സ്ഥാനാര്‍ത്ഥി ടി.ജെ വിനോദ് 4202 വോട്ടിന് മുന്നിലാണ്. എന്നാല്‍ പ്രതീക്ഷിച്ച ലീഡ് ഉയര്‍ത്താന്‍ യു.ഡി.എഫിന് കിഴിഞ്ഞില്ല. കഴിഞ്ഞ നിയമസഭാ തെരഞ്ഞെടുപ്പിലെ കണക്കുകള്‍ വെച്ച് നോക്കുമ്പോള്‍ വോട്ട് നിലയില്‍ യു.ഡി.എഫിന് വന്‍ ഇടിവാണ് ഉണ്ടായിരിക്കുന്നത്.

  • 24 Oct 2019 4:59 AM GMT

    അരൂരിൽ ഇഞ്ചോടിഞ്ച് പോരാട്ടം

    കേവലം 2463 വോട്ടുകൾക്കാണ് യു.ഡി.എഫ് സ്ഥാനാർത്ഥി ഷാനിമോൾ ഉസ്മാൻ ലീഡ് ചെയ്യുന്നത്.വോട്ടെണ്ണലിന്‍റെ ആദ്യ മണിക്കൂറുകള്‍ പിന്നിടുമ്പോള്‍ യു.ഡി.എഫിന് 23,361 വോട്ടുകളാണ് ഇതുവരെ ലഭിച്ചത്. എൽ.ഡി.എഫ് സ്ഥാനാർത്ഥി മനു.സി. പുളിക്കൽ 20,898 വോട്ടുമായി തൊട്ടു പിന്നിലുണ്ട്. 

Read More >>