ആലപ്പുഴയില്‍ ഗുഡ്‌സ് ട്രെയിന്‍ പാളം തെറ്റി: ട്രെയിനുകള്‍ വൈകി ഓടുന്നു

പാത ഇരട്ടിപ്പിക്കലിന് മെറ്റലുമായി പോയ ഗുഡ്‌സ് ട്രെയിനാണ് അമ്പലപ്പുഴ സ്റ്റേഷന് സമീപം ഉച്ചയ്ക്ക് 2.10-ഓടെ പാളം തെറ്റിയത്.

ആലപ്പുഴയില്‍ ഗുഡ്‌സ് ട്രെയിന്‍ പാളം തെറ്റി: ട്രെയിനുകള്‍ വൈകി ഓടുന്നു

അമ്പലപ്പുഴ റെയില്‍വേ സ്റ്റേഷന് സമീപം ഗുഡ്‌സ് ട്രെയിന്‍ പാളം തെറ്റിയതിനെ തുടര്‍ന്ന് ആലപ്പുഴ വഴിയുള്ള തീവണ്ടി ഗതാഗതം തടസ്സപ്പെട്ടു. പാത ഇരട്ടിപ്പിക്കലിന് മെറ്റലുമായി പോയ ഗുഡ്‌സ് ട്രെയിനാണ് അമ്പലപ്പുഴ സ്റ്റേഷന് സമീപം ഉച്ചയ്ക്ക് 2.10-ഓടെ പാളം തെറ്റിയത്.

ഹരിപ്പാട്- അമ്പലപ്പുഴ പാതയില്‍ പാത ഇരട്ടിപ്പ് ജോലിക്കായി മെറ്റലുമായി ആലപ്പുഴയില്‍ നിന്നും വരികയായിരുന്നു ട്രെയിന്‍. ഗുഡ്‌സ് ട്രെയിന്‍ തെറ്റിയതിനെ തുടര്‍ന്ന് ഇതു വഴി കടന്നു പോകേണ്ട വിവിധ ട്രെയനുകൾ പലയിടത്തായി പിടിച്ചിട്ടിരിക്കുകയാണ്.

നേത്രവതി എക്സപ്രസ് ചേര്‍ത്തലയിലും മെമു ട്രെയിന്‍ നിലവില്‍ ഒരു മണിക്കൂറിലേറെയായി പിടിച്ചിട്ടുണ്ട്. പാളം ശരിയാക്കുന്നതിനായി എറണാകുളത്ത് നിന്നും പ്രത്യേക സംഘം സംഭവസ്ഥലത്തേക്ക് തിരിച്ചിട്ടുണ്ട്. രണ്ട് മണിക്കൂറിനകം പാതയില്‍ തീവണ്ടി ഗതാഗതം പുനസ്ഥാപിക്കാനാവും എന്നാണ് റെയില്‍ അധികൃതര്‍ പറയുന്നത്.

Next Story
Read More >>