കാക്കനാട്ട് വെച്ച് ട്രാന്‍സ് യുവതികള്‍ക്കു നേരെ ആക്രമണം

അടുത്തിടെ സര്‍ജറി കഴിഞ്ഞ ശ്രിയയുടെ ഗുഹ്യഭാഗത്തു വരെ മര്‍ദനമേറ്റു.

കാക്കനാട്ട് വെച്ച് ട്രാന്‍സ് യുവതികള്‍ക്കു നേരെ ആക്രമണം

എറണാകുളം കാക്കനാട് ടൗണില്‍ വെച്ച് ട്രാന്‍സ് യുവതികള്‍ക്കു നേരെ യുവാവിന്റെ ആക്രമണം. അഹാന, ശ്രിയ എന്നീ ട്രാന്‍സ് യുവതികള്‍ക്കു നേരെയാണ് യുവാവ് ആക്രമണം നടത്തിയത്. ആദ്യം റോഡില്‍ വച്ച് ആക്രമിച്ച പ്രതി പിന്നീട് വീട്ടിലെത്തി അവരെ പെട്രോളൊഴിച്ച് കത്തിക്കുമെന്നും ഭീഷണി മുഴക്കി.

ഇന്നു വൈകീട്ട് കാക്കനാട്ട് വെച്ച് ഇരുവരും കടയില്‍ സാധനം വാങ്ങാനായി പോയപ്പോഴാണ് സംഭവമുണ്ടായത്. ഇവര്‍ക്കുനേരെ ഇതരസംസ്ഥാനക്കാരായ രണ്ടുപേര്‍ മോശമായി സംസാരിക്കുകയും അഹാനയും ശ്രിയയും അവരോട് ചൂടാകുകയും ചെയ്യുകയായിരുന്നു. ആ സമയം ബുള്ളറ്റില്‍പ്പോയ ഒരു യുവാവ് വണ്ടിനിര്‍ത്തി അഹാനയോടും ശ്രിയയോടും മോശമായി സംസാരിച്ചു. ഇതരസംസ്ഥാനക്കാരോട് ചൂടായത് തന്നോടാണെന്നു തെറ്റിദ്ധരിച്ചാണ് അയാള്‍ ആദ്യം അഹാനയോടും ശ്രിയയോടും കയര്‍ത്തത്.

അടുത്തിടെ സര്‍ജറി കഴിഞ്ഞ ശ്രിയയുടെ ഗുഹ്യഭാഗത്തു വരെ മര്‍ദനമേറ്റു. അഹാനയുടെ തലയ്ക്കും കൈയ്ക്കും ശ്രിയയുടെ ഗുഹ്യഭാഗത്തും സാരമായ പരിക്കുണ്ട്. ഇരുവരും ഇപ്പോള്‍ തൃക്കാക്കര മുനിസിപ്പല്‍ കോ-ഓപ്പറേറ്റീവ് ആശുപത്രിയില്‍ ചികിത്സയിലാണ്.