മോദി പേടിച്ചിരിക്കയാണ്. 30000 കോടി മോഷ്ടിച്ച മോദിയ്‌ക്കെങ്ങനെ ഉറങ്ങാനാവും? -രാഹുല്‍- മോദി വാക് പോര് തുടരുന്നു

കള്ളന്മാരെങ്ങനെ ഉറങ്ങും? മോദിയെ കള്ളനെന്ന് വിളിച്ച് രാഹുല്‍ ഗാന്ധി

മോദി പേടിച്ചിരിക്കയാണ്. 30000 കോടി മോഷ്ടിച്ച മോദിയ്‌ക്കെങ്ങനെ ഉറങ്ങാനാവും? -രാഹുല്‍- മോദി വാക് പോര് തുടരുന്നു

മോദി ഭയന്നിരിക്കുന്നു, അദ്ദേഹത്തിന് ഉറങ്ങാനാവുന്നില്ല, വ്യോമസേനയുടെ 30000 മോഷ്ടിച്ച് അംബാനിയ്ക്കു നല്‍കിയ മോദിക്കെങ്ങനെ ഉറങ്ങാനാവും? സിബിഐ ഡയറക്ടര്‍ അലോക് വര്‍മയെ രണ്ടു തവണ പുറത്താക്കി മോദി സ്വന്തം നുണകളുടെ തടവുകാരനായിരിക്കുന്നു- രാഹുല്‍ ഗാന്ധിയുടെ ഏറ്റവും പുതിയ ട്വീറ്റിലെ വരികളാണ് ഇത്. ഫേസ്ബുക്ക് ഭാഷയില്‍ മോദിയുമായുള്ള 'സൈക്കളോടിക്കല്‍' യുദ്ധത്തില്‍ വിട്ടു കൊടുക്കാന്‍ ഭാവമില്ലെന്നാണ് അദ്ദേഹത്തിന്റെ ട്വീറ്റുകള്‍ തെളിയിക്കുന്നത്.

ട്വീറ്റുകളില്‍ സ്ത്രീവിരുദ്ധത ആരോപിച്ച് ദേശീയ വനിതാ കമ്മീഷന്‍ കേസെടുത്തത് കഴിഞ്ഞ ദിവസമാണ്. പാര്‍ലമെന്റിനെ അഭിമുഖീകരിക്കാന്‍ മടിച്ച് മോദി ഒരു സ്ത്രീയെ തനിക്കു വേണ്ടി സംസാരിക്കാന്‍ ഏര്‍പ്പെടുത്തിയിരിക്കുന്നുവെന്ന പ്രസ്താവന സ്ത്രീവിരുദ്ധവും പ്രകോപനപരവുമാണെന്ന് ചൂണ്ടിക്കാട്ടിയാണ് വനിതാ കമ്മീഷന്‍ നോട്ടിസ് അയച്ചത്. റഫേല്‍ കേസില്‍ സ്വയം പ്രതിരോധിക്കാന്‍ കഴിവില്ലാത്തതിനാല്‍ 56 ഇഞ്ച് നെഞ്ചളവുള്ള മോദി ജനസഭയില്‍ ഹാജരാകുന്നില്ലെന്നും രാഹുല്‍ ആരോപിച്ചിരുന്നു.

റഫേല്‍ ഇടപാടില്‍ പിടിക്കപ്പെടുമെന്ന് ഭയന്നാണ് അലോക് വര്‍മയെ മോദി പുറത്താക്കിയതെന്ന് മറ്റൊരു ട്വീറ്റില്‍ രാഹുല്‍ എഴുതി. സുപ്രിം കോടതി അനുമതിയോടെ സിബിഐ ഡയറക്ടര്‍ സ്ഥാനത്തേക്കു വന്ന അലോക് വര്‍മയെ സെലക്ഷന്‍ കമ്മറ്റി ചേര്‍ന്ന് വീണ്ടും പുറത്താക്കിയത് കഴിഞ്ഞ ദിവസമാണ്.


Read More >>