ഇന്ന് ലോക ചോക്ലേറ്റ് ദിനം: അറിയാം ആരോഗ്യഗുണങ്ങള്‍

Published On: 2018-07-07 08:45:00.0
ഇന്ന് ലോക ചോക്ലേറ്റ് ദിനം: അറിയാം ആരോഗ്യഗുണങ്ങള്‍

ചോക്ലേറ്റ് ഇഷ്ടമല്ലാത്തവരായി ആരും കാണില്ല. രുചിയെന്നതിലുപരി നിരവധി ആരോഗ്യഗുണങ്ങള്‍ സ്വന്തമായുണ്ട് ചോക്ലേറ്റിന്. ആന്റിഓക്‌സിഡന്റ് പ്രധാനം ചെയ്യുന്ന മികച്ചൊരു ഭക്ഷണ പദാര്‍ത്ഥം കൂടിയാണ് ഈ കൊക്കോ ഉത്പ്പന്നം. ചോക്ലേറ്റ് കഴിക്കുന്നതിലൂടെ ഹൃദ്രോഗ സാധ്യത കുറയുമെന്ന് നിരവധി പഠനങ്ങള്‍ തെളിയിച്ചിട്ടുണ്ട്.
ചോക്ലേറ്റിന്റെ ചില ആരോഗ്യഗുണങ്ങള്‍:

ചോക്ലേറ്റിലെ പ്രധാന ചേരുവയായ കൊക്കോയില്‍ സജീവമായ ഫേലോളിക് സംയുക്തങ്ങള്‍ ഉണ്ടെന്നും അവ ആരോഗ്യത്തിണ് നല്ലതാണെന്നും ലേഖനം പറയുന്നു. ഇത് ചോക്ലേറ്റിനോടുള്ള ജനങ്ങളുടെ കാഴ്ചപ്പാടിനെ മാറ്റിമറിച്ചു.പ്രായം കൂടുമ്പോള്‍ ഉണ്ടാകുന്ന ഓക്‌സിഡേറ്റീവ് സമ്മര്‍ദ്ദം, രക്തസമ്മര്‍ദ്ദം നിയന്ത്രിക്കല്‍, രക്തപ്രവാഹം, രക്തപ്രവാഹം തുടങ്ങിയ രോഗങ്ങളെ ചോക്ലറ് കഴിക്കുന്നതിലൂടെ എങ്ങനെ നിയന്ത്രിക്കാം എന്നും പഠനം പറയുന്നു. ചോക്‌ളറ്റിന്റെ ആന്റിഓക്‌സിഡന്റി പ്രത്യേകത ഒരുപാട് ആരോഗ്യ ഗുണങ്ങള്‍ നല്കും. എത്രത്തോളം കൊക്കോയുടെ അളവ് ചോക്ലേറ്റില്‍ കൂടുന്നോ അത്രയും ഗുണവും കൂടും, അതുകൊണ്ടാണ് ചോക്ലേറ്റുകളുടെ കൂട്ടത്തിലെ തന്നെ ഡാര്‍ക്ക് ചോക്ലേറ്റിന് മാര്‍കെറ്റില്‍ ആവശ്യക്കാരേറെ. പക്ഷെ ഡാര്‍ക്ക് ചോക്ലേറ്റ് വാങ്ങിക്കുമ്പോള്‍ ലേബല്‍ നോക്കി കൊക്കോയുടെ അളവും മറ്റും പരിശോധിച്ച് ഉറപ്പു വരുത്തേണ്ടതാണ്.

പ്രമേഹം, കൊറോണറി ഹൃദ്രോഗം, രക്തസമ്മര്‍ദ്ദം തുടങ്ങിയവയുമായി ചോക്ലേറ്റ് ബന്ധപ്പെട്ടിരിക്കുന്നു. ചോക്ലേറ്റില്‍ ആന്റിഓക്‌സിഡന്റുകള്‍ അടങ്ങിയിട്ടുണ്ട്. ചില പഠനങ്ങള്‍ സൂചിപ്പിക്കുന്നത് ചോക്ലേറ്റ് കൊളസ്‌ട്രോളിന്റെ അളവ് കുറയ്ക്കുകയും ഓര്മക്കുറവിനെ തടയുകയും ചെയ്യുമെന്നാണ്. ചോക്കലേറ്റില്‍ ധാരാളം കലോറികള്‍ അടങ്ങിയിരിക്കുന്നു. ശരീരഭാരം നഷ്ടപ്പെടുത്താനോ പരിപാലിക്കാനോ ആഗ്രഹിക്കുന്ന ആളുകള്‍ മോഡറേഷനില്‍ മാത്രം ചോക്ലേറ്റ് കഴിക്കണം.

Top Stories
Share it
Top