കര്‍ണാടകത്തിലെ കോണ്‍ഗ്രസ് പരാജയം സിപിഎമ്മിനെ ഭിന്നിപ്പിക്കുന്നുവോ?

Published On: 2018-05-18 14:15:00.0
കര്‍ണാടകത്തിലെ കോണ്‍ഗ്രസ് പരാജയം സിപിഎമ്മിനെ ഭിന്നിപ്പിക്കുന്നുവോ?

ന്യൂഡല്‍ഹി: കര്‍ണാടകത്തില്‍ ബി.ജെ.പിയെ അധികാരത്തില്‍ നിന്ന് പുറത്താക്കാനുള്ള പ്രതിപക്ഷത്തിന്റെ ശ്രമങ്ങളെ സിപിഎം (എം) ജനറല്‍ സെക്രട്ടറി സീതാറാം യെച്ചൂരി ഏകോപിപ്പിച്ചപ്പോഴും കോണ്‍ഗ്രസുമായുള്ള സഹകരണം സംബന്ധിച്ച നിലപാടില്‍ പാര്‍ട്ടിയിലെ വിഭാഗീയത മറനീക്കി പുറത്തുവന്നു. കോണ്‍ഗ്രസുമായി പാര്‍ട്ടി പുലര്‍ത്തേണ്ട നിലപാടില്‍ യെച്ചൂരിയുടതിനേക്കാള്‍ വ്യത്യസ്ത അഭിപ്രായമാണ് പ്രകാശ് കാരാട്ടിനുള്ളത്. പാര്‍ട്ടി മുഖപത്രമായ പീപ്പീള്‍ ഡമോക്രസിയില്‍ കാരാട്ട് എഴുതിയ ലേഖനത്തില്‍ കോണ്‍ഗ്രസിന് ബി.ജെ.പി-ആര്‍എസ്എസിനെ രാഷ്ട്രീയമായും പ്രത്യയശാസ്ത്രപരമായും സംഘടനാപരമായും പരാജയപ്പെടുത്താന്‍ കഴിഞ്ഞില്ലെന്ന് കാരാട്ട് കര്‍ണാടക ഫലത്തെ വിലയിരുത്തുന്നത്. കഴിഞ്ഞ മാസം ഹൈദരാബാദിലെ സിപിഐ എം പാര്‍ടി കോണ്‍ഗ്രസില്‍ എടുത്ത നിലപാടുകളോട് യോചിച്ചു നില്‍ക്കുന്നതാണ് കാരാട്ടിന്റെ ലേഖനം.

കര്‍ണാടക തെരഞ്ഞെടുപ്പ് ഫലം കോണ്‍ഗ്രസിന് കനത്ത തിരിച്ചടിയാണുണ്ടാക്കിയതെന്ന് കാരാട്ട് നിരീക്ഷിക്കുന്നു. കഴിഞ്ഞ നിയമസഭയില്‍ 122 അംഗങ്ങളുണ്ടായിരുന്ന കോണ്‍ഗ്രസിന് ഇത്തവണ അംഗങ്ങളുടെ എണ്ണം 78 ആയി കുറയുകാണുണ്ടായത്. രാഹുല്‍ ഗാന്ധിയുടെ ക്ഷേത്രപ്രചാരണം, മഠ സന്ദര്‍ശനം തുടങ്ങിയ പ്രചാരണ തന്ത്രങ്ങള്‍ കോണ്‍ഗ്രസിന് ഗുണമുണ്ടാക്കിയില്ല. തീവ്രഹിന്ദുത്വത്തെ എതിര്‍ക്കാന്‍ മൃദു ഹിന്ദ്വത്വത്തിന് കഴിയില്ലെന്നാണ് കോണ്‍ഗ്രസിന്റെ പരാജയത്തില്‍ നിന്ന് അനുമാനത്തിലെത്താന്‍ കഴിയുകുള്ളു എന്നും കാരട്ട് എഡിറ്റോറിയല്‍ ലേഖനത്തില്‍ പറഞ്ഞു.

നയപരമായും രാഷ്ട്രീയമായും കോണ്‍ഗ്രസ് ബിജെപിയെ എതിര്‍ക്കുമ്പോഴും നിയോലിബറല്‍ പോളിസിയുടെ ഇരുകൂട്ടര്‍ക്കും ഒരു നിലപാടാണ്. തെരഞ്ഞെടുപ്പില്‍ ഒരേയൊരു അനുകൂലഫലം മാത്രമാണുണ്ടായതെന്ന് കാരാട്ട് പറയുന്നു. ബിജെപി ഒറ്റ ഏറ്റവും വലിയ പാര്‍ട്ടിയായി ഉയര്‍ന്നതിന് ശേഷം ജെഡി(എസ്) ന് ഗവണ്‍മെന്റ് രൂപീകരിക്കാനുള്ള 'ദ്രുത പിന്തുണ' നല്‍കിയ കോണ്‍ഗ്രസിന്റെ നീക്കമാണെന്നും ലേഖനത്തില്‍ പറയുന്നു.

ബിജെപി ഭരണം വരാതിരിക്കാന്‍ സീതാറാം യെച്ചൂരി ജെഡിഎസ് നേതാക്കളുമായി ചര്‍ച്ചകള്‍ നടത്തിയ സമയത്ത് തന്നെ എഡിറ്റോറിയല്‍ വന്നത് ബിജെപിയ്ക്ക് ഗുണകരമാകുമെന്നും റിപ്പോര്‍ട്ടുണ്ട്. കോണ്‍ഗ്രസുമായി സഹകരിക്കണമൊ വേണ്ടയൊ എന്ന കാര്യത്തില്‍ പാര്‍ട്ടിയിലുണ്ടായിരുന്ന വിഭാഗയീത കാരാട്ടിന്റെ ലേഖനത്തോടെ വീണ്ടും ചര്‍ച്ചയാകും.

അടുത്ത ലോക്‌സഭാ തെരഞ്ഞെടുപ്പില്‍ ബി.ജെ.പി.യെ അട്ടിമറിക്കാന്‍ സിപിഐ എമ്മിന് കോണ്‍ഗ്രസ്സുമായി ധാരണയുണ്ടോ എന്ന കാര്യത്തില്‍ കഴിഞ്ഞ ഒരു വര്‍ഷമായി യെച്ചൂരി- കാരാട്ട് വിഭാഗങ്ങള്‍ തമ്മിലുള്ള തര്‍ക്കങ്ങള്‍ ഒരുവര്‍ഷത്തോളം പഴക്കമുണ്ട്. കോണ്‍ഗ്രസ് ഉള്‍പ്പെടെയുള്ള എല്ലാ മതനിരപേക്ഷ കക്ഷികളുമായി സഖ്യമുണ്ടാക്കാമെന്ന് യെച്ചൂരി വാദിച്ചപ്പോള്‍ പാര്‍ട്ടി കോണ്‍ഗ്രസില്‍ രാഷ്ട്രീയ പ്രമേയം ഭേദഗതി ചെയ്യവെ ആവശ്യപ്പെട്ടപ്പോള്‍ കാരാട്ട് വിഭാഗം ഇതിനെ ഏതിര്‍ത്തു. എന്നാല്‍ ഉചിതമായ സമയത്ത് ശരിയായ രീതിയിലുള്ള നയതന്ത്രങ്ങള്‍ സ്വീകരിക്കേണ്ടതുണ്ടെന്നായിരുന്നു യെച്ചൂരിയുടെ നിലപാട്.

Top Stories
Share it
Top