പ്രണബ് മുഖർജിയുടെ നാഗ്പൂർ സന്ദർശനം; എതിർപ്പുമായി മകൾ

ന്യൂഡൽഹി: നാഗ്​പുരിലെ ആർഎസ്എസ് ആസ്ഥാനത്ത് നടക്കുന്ന അവസാന വർഷ സംഘ ശിക്ഷ വർഗ് പരിപാടിയിൽ പങ്കെടുക്കുന്ന മുൻ രാഷ്​ട്രപതി പ്രണബ്​ മുഖർജിയെ എതിർത്ത്...

പ്രണബ് മുഖർജിയുടെ നാഗ്പൂർ സന്ദർശനം; എതിർപ്പുമായി മകൾ

ന്യൂഡൽഹി: നാഗ്​പുരിലെ ആർഎസ്എസ് ആസ്ഥാനത്ത് നടക്കുന്ന അവസാന വർഷ സംഘ ശിക്ഷ വർഗ് പരിപാടിയിൽ പങ്കെടുക്കുന്ന മുൻ രാഷ്​ട്രപതി പ്രണബ്​ മുഖർജിയെ എതിർത്ത് മകളും കോൺ​ഗ്രസ് നേതാവുമായ ശർമിഷ്​ഠ മുഖർജി. ബിജെപിക്കും സംഘ് പരിവാറിനും കെട്ടുകഥകൾ പ്രചരിപ്പിക്കാനാണ് പ്രണബിന്റെ സന്ദർശനം അവസരമൊരുക്കുകയെന്നും അവർ പറഞ്ഞു.

അദ്ദേഹത്തിന്റെ വാക്കുകൾ ഒരുപക്ഷെ മറന്നേക്കാം, പക്ഷേ പ്രസം​ഗത്തിന്റെ ദൃശ്യങ്ങൾ ബാക്കിയുണ്ടാകും. സംഘ് പരിവാർ അതുപയോ​ഗിച്ച് വ്യാജവാർത്തകളും നുണപ്രചരണങ്ങളും നടത്തിയേക്കാം. ഇക്കാര്യം അദ്ദേഹം മനസിലാക്കുമെന്നാണ് പ്രതീക്ഷയെന്നും ശർമിഷ്​ഠ ട്വീറ്റ് ചെയ്തു.

വരുന്ന പൊതുതെരഞ്ഞെടുപ്പിൽ ശർമിഷ്​ഠ ബിജെപി ടിക്കറ്റിൽ മത്സരിക്കുമെന്ന വാർത്തയേയും ശർമിഷ്​ഠ തള്ളി. കോൺ​ഗ്രസിൽ വിശവസിക്കുന്നതുകൊണ്ടാണ് താൻ രാഷ്ട്രീയത്തിലിറങ്ങിയത്. പാർട്ടിവിടുന്നതിനേക്കാൾ ഭേദം രാഷ്ട്രീയ ജീവിതം അവസാനിപ്പിക്കുന്നതാകുമെന്നും അവർ ട്വീറ്റ് ചെയ്തു.

2014ൽ കോൺഗ്രസിൽ ചേർന്ന ശർമിഷ്ഠ മഹിളാ കോണ്‍ഗ്രസിന്റെ പ്രസിഡന്റാണ്. 2015ൽ ഡൽഹി നിയമസഭയിലേക്ക് മത്സരിച്ചെങ്കിലും എഎപി സ്ഥാനാർഥിയോട് പരാജയപ്പെട്ടിരുന്നു.

Story by
Read More >>