കൊച്ചി മെട്രോയ്ക്ക് ഒരു വയസ്സ്; ജൂണ്‍ 19ന് സൗജന്യ യാത്ര

Published On: 2018-06-12T14:15:00+05:30
കൊച്ചി മെട്രോയ്ക്ക് ഒരു വയസ്സ്; ജൂണ്‍ 19ന് സൗജന്യ യാത്ര

കൊച്ചി: ഒരു വയസ്സ് പൂര്‍ത്തിയാകുന്ന കൊച്ചി മെട്രോയില്‍ ജൂണ്‍ 19ന് സൗജന്യ യാത്ര ചെയ്യാം. വാര്‍ഷികാഘോഷങ്ങളുടെ ഭാഗമായി നിരവധി പരിപാടികളാണ് മെട്രോ ഒരുക്കുന്നത്. കഴിഞ്ഞ വര്‍ഷം 17നായിരുന്നു കൊച്ചി മെട്രോ പ്രധാനമന്ത്രി നരേന്ദ്രമോദി ഉദ്ഘാടനം ചെയ്തത്. ഇതിന് ശേഷം 19നായിരുന്നു യാത്രക്കാരെ കയറ്റിയുള്ള യാത്ര ആരംഭിച്ചത്.

വാര്‍ഷികാഘോഷങ്ങളുടെ ഭാഗമായി വിപുലമായ പരിപാടികളാണ് കെ.എം.ആര്‍.എല്‍ ഒരുക്കിയിരിക്കുന്നത്. ഗോപിനാഥ് മുതുകാടിന്റെ മാജിക് ഷോ, ജനപ്രതിനിധികളെ പങ്കെടുപ്പിച്ച് ഇടപ്പള്ളി സ്റ്റേഷനില്‍ പ്രത്യേക ആഘോഷം, കലാസാംസ്‌കാരിക പരിപാടികള്‍ തുടങ്ങിയവ നടക്കും.

തുടക്കത്തിലുണ്ടായിരുന്നതിനേക്കാള്‍ യാത്രക്കാരുടെ എണ്ണത്തില്‍ പതിനായിരത്തോളം വര്‍ധനയുണ്ടായെന്നും നഷ്ടം പകുതിയായി കുറഞ്ഞെന്നും കെ.എം.ആര്‍.എല്‍ മാനേജിങ് ഡയറക്ടര്‍ എ.പി.എം മുഹമ്മദ് ഹനീഷ് വാര്‍ത്ത സമ്മേളനത്തില്‍ വ്യക്തമാക്കി.

Top Stories
Share it
Top