ഇത്തിരി ട്രോളുമോ അണ്ണാ പ്ലീസ്.... ട്രോള്‍ മീ ചലഞ്ചുമായി കണ്ണന്താനം

നല്ല ട്രോളര്‍മാര്‍ക്ക് തന്റെ കൂടെ ഒരു സെല്‍ഫി എടുത്ത് അദ്ദേഹത്തിന്റെ ഫേസ്ബുക്ക് പേജില്‍ ഇടാമെന്നാണ് വാഗ്ദാനം.

ഇത്തിരി ട്രോളുമോ അണ്ണാ പ്ലീസ്....  ട്രോള്‍ മീ ചലഞ്ചുമായി കണ്ണന്താനം

ട്രോള്‍ മീ ചലഞ്ചുമായി കേന്ദ്ര മന്ത്രി അല്‍ഫോണ്‍സ് കണ്ണന്താനം രംഗത്ത്. കൊച്ചിയുടെ വികസനത്തെക്കുറിച്ചു നല്ല നല്ല ട്രോളുകള്‍ ഉണ്ടാക്കി അത് കമന്റ് ചെയ്യാനാണ് എറണാകുളം ലോക്‌സഭാ എന്‍.ഡി.എ സ്ഥാനാര്‍ത്ഥി കൂടിയായ അല്‍ഫോണ്‍സ് കണ്ണന്താനം ഫേസ്ബുക്ക് കുറിപ്പിലൂടെ ആവശ്യപ്പെട്ടിരിക്കുന്നത്.

തന്നെയും കഥാപാത്രമാക്കുന്നതില്‍ വിരോധമില്ലെന്നും എല്ലാം കൊച്ചിക്ക് വേണ്ടിയല്ലേയെന്നും അദ്ദേഹം പറഞ്ഞു. നല്ല ട്രോളര്‍മാര്‍ക്ക് തന്റെ കൂടെ ഒരു സെല്‍ഫി എടുത്ത് അദ്ദേഹത്തിന്റെ ഫേസ്ബുക്ക് പേജില്‍ ഇടാമെന്നാണ് വാഗ്ദാനം.

ഫേസ്ബുക്ക് കുറിപ്പ്

TROLL ME CHALLENGE

മലയാളികള്‍ വളരെ നര്‍മ്മബോധം ഉള്ളവരാണ്.

എന്ത് സീരിയസ് കാര്യവും നമ്മള്‍ തമാശയാക്കി ആസ്വദിക്കാറുണ്ട്.

നമ്മുടെ യുവാക്കളുടെ പല ട്രോളുകളും കാണുമ്പോള്‍ അത്ഭുതപ്പെടാറുണ്ട്.

എന്തുമാത്രം സര്‍ഗ്ഗശേഷി ആണ് നമ്മുടെ യുവാക്കള്‍ക്ക് ഉള്ളത്?

ഇതെങ്ങനെ പോസിറ്റീവ് ആയി ഉപയോഗിക്കാം എന്നും പലപ്പോഴും ചിന്തിച്ചിട്ടുണ്ട്.

എന്തായാലും എന്നെ ട്രോളുന്ന വീരന്മാര്‍ക്ക് ഒരു കൊച്ചു ചലഞ്ച് - കൊച്ചിയുടെ വികസനത്തെക്കുറിച്ചു നല്ല നല്ല ട്രോളുകള്‍ ഉണ്ടാക്കി ഇവിടെ കമന്റ് ചെയ്യൂ.

നല്ല ട്രോളര്‍മാര്‍ക്ക് എന്നോടൊപ്പം ഒരു സെല്‍ഫി എടുക്കാം, ഈ പേജില്‍ ഇടാം (തെരഞ്ഞെടുപ്പായതിനാല്‍ മറ്റു വാഗ്ദാനങ്ങളോ സമ്മാനങ്ങളോ ഇപ്പോള്‍ സാധ്യമല്ല).

അപ്പൊ ശരി, തുടങ്ങുവല്ലേ?

-എന്നെയും ഒരു കഥാപാത്രമാക്കുന്നതില്‍ വിരോധമില്ല.. എല്ലാം നമ്മുടെ കൊച്ചിക്കുവേണ്ടിയല്ലേ...

TrollMeChallenge Alphons4Ekm



Read More >>