സ്പെയിന് വിജയം, പ്രീക്വാർട്ടർ പ്രതീക്ഷ

Published On: 2018-06-21 03:00:00.0
സ്പെയിന് വിജയം, പ്രീക്വാർട്ടർ പ്രതീക്ഷ

കസാന്‍: ലോകകപ്പിൽ ഇറാനെതിരെ സ്പെയിന് ഏകപക്ഷീയമായ ഒരു ​ഗോളിന്റെ വിജയം. മത്സരത്തിലുടെ നീളം പ്രതിരോധത്തിൽ ശ്രദ്ധിച്ച് കളിച്ച ഇറാനെതിരെ വീണു കിട്ടിയ അവസരം സ്പെയിൻ മുതലാക്കുകയായിരുന്നു. 54-ാം മിനിറ്റില്‍ ഇനിയേസ്റ്റയുടെ പാസിൽ നിന്ന് ഡീ​ഗോ കോസ്റ്റയാണ് സ്പെയിന്റെ ​ഗോൾ നേടിയത്. വിജയത്തോടെ ​ഗ്രൂപ്പ് ബിയിൽ സ്പെയിന് നാല് പോയന്റായി. ഡീഗോ കോസ്റ്റയുടെ ഈ ലോകകപ്പിലെ മൂന്നാമത്തെ ഗോളാണ്.

പ്രതിരോധക്കളിയുമായി നീങ്ങിയ ഇറാൻ 62ാം മിനുട്ടിൽ മത്സരത്തിൽ ഒപ്പമെത്തേണ്ടതായിരുന്നു. ഫ്രീക്കിൽ നിന്നും വന്ന ​ഗോൾ ഓഫ് സൈഡാണെന്ന് കാട്ടി റഫറി ​ഗോൾ അനുവദിച്ചില്ല. ​ഗ്രൂപ്പ് ബിയിൽ സെപയിനും പോർച്ചു​ഗല്ലിനും നാല് പോയിന്റ് വീതമാണുള്ളത്. ഒരു ജയവും ഒരു തോൽവിയുമുള്ള ഇറാന് മൂന്ന് പോയിന്റുമാണ്. രണ്ട് മത്സരങ്ങളും തോറ്റ മൊറൊക്കോ ലോകകപ്പിൽ നിന്നും പുറത്തായി. ഇതോടെ മൊറൊക്കോ ഒഴികെയുള്ള ടീമുകൾക്ക് അടുത്ത മത്സരം നിർണായകമായി.

Top Stories
Share it
Top