ഗോകുലത്തിന് ആദ്യ ജയം
| Updated On: 11 Nov 2018 2:15 PM GMT | Location :
43-ാം മിനുട്ടിൽ മലയാളി യുവതാരം ഗനിയിലൂടെ ലീഡെടുത്ത ഗോകുലംഒന്നാം പകുതി ഒരു ഗോളോടെ അവസാനിപ്പിച്ചു.
കോഴിക്കോട്: ഐ ലീഗിലെ പുതിയ സീസണിൽ ആദ്യ വിജയം നേടി ഗോകുലം കേരളാ എഫ്.സി. കോഴിക്കോട് നടന്ന മത്സരത്തിൽ ഷില്ലോംഗ് ലജോംഗിനെയാണ് ഗോകുലം തകർത്തത്. സ്കോർ 3-1.
ആദ്യം മൂന്ന് ഗോളുകൾ നേടി കളി കൈയിലെടുത്ത ഗോകുലത്തിനെതിരെ 78ാം മിനുട്ടിലാണ് ഷില്ലോംഗ് തിരിച്ചടിച്ചത്.
43-ാം മിനുട്ടിൽ മലയാളി യുവതാരം ഗനിയിലൂടെ ലീഡെടുത്ത ഗോകുലംഒന്നാം പകുതി ഒരു ഗോളോടെ അവസാനിപ്പിച്ചു. 56ാം മിനുട്ടിൽ അന്റോണിയോ ജെര്‍മനിലൂടെ വീണ്ടും മുന്നിലെത്തി. 66-ാം മിനുട്ടിൽ ഗനിയുടെ ക്രോസില്‍ നിന്ന് രാജേഷിലൂടെ ഗോകുലം ലീഡ് മൂന്നാക്കി ഉയര്‍ത്തി.
78-ാം മിനിറ്റില്‍ ബുവാമായിലൂടെയായിരുന്നു ഷില്ലോംഗിന്റെ ഗോൾ. ഇഞ്ചുറി ടൈമില്‍ ഷില്ലോംഗിന്റെ ഗുറംങ്ങ് ചുവപ്പ് കാര്‍ഡ് കണ്ട് പുറത്തായി.ഗനിയാണ് മത്സരത്തിലെ താരം.
